परळी वैजनाथ दि.१२ (प्रतिनिधी): बीडहून परळी (Parli Vaijnath) आणि परळीहून सोनपेठ असा एसटीने प्रवास करणाऱ्या सोनपेठ येथील रहिवासी असलेल्या वयोवृद्ध जोडप्याचे  सोन्याचे तब्बल ९ लाखाचे दागिने चोरीला गेल्याची घटना (दि.१०) रोजी घडली आहे. याप्रकरणी परळीच्या संभाजीनगर पोलीस ठाण्यात अज्ञाताविरुद्ध गुन्हा दाखल करण्यात आला आहे.
              माधुरी सुर्यकांत परळकर (वय ६० वर्षे) रा.महाजन गल्ली सोनपेठ व त्यांचे पती हे छ. संभाजीनगर (Crime)येथे आपल्या मुलीकडे गेले होते. (दि.१०) एप्रिल रोजी सकाळी संभाजीनगर -बीड-परळी-सोनपेठ या प्रवासा दरम्यान त्यांच्या बॅग मधून मोहन माळ किमंत ३ लाख रुपये, सहा तोळ्याचे गंठण किमंत ३ लाख रुपये,  एक नेकलेस किंमत २ लाख रुपये, सोन्याची बोरमाळ १ लाख रुपये असे एकूण ९ लाखांचे दागिने लंपास केल्याची घटना घडली आहे.  याप्रकरणी परळीच्या संभाजीनगर (Beed police)पोलीस ठाण्यात अज्ञाताविरुद्ध  गुन्ह्याची नोंद करण्यात आली असून पुढील तपास संभाजीनगर पोलीस ठाण्याचे पोलीस निरीक्षक धनंजय ढोणे करीत आहेत.