दिल्ली पोलिसांनी सोमवारी अनिल चौहान नामक देशातील सर्वात मोठ्या कार चोराला बेड्या ठोकल्या. अनिल चौहानवर तब्बल 5000 कार्स चोरल्याचा आरोप आहे. पोलिसांच्या माहितीनुसार, 52 वर्षीय अनिलने चोरीच्या पैशांतून दिल्ली, मुंबई व ईशान्य भारतात अनेक मालमत्ता खरेदी केल्या आहेत. तो श्रीमंतीचे आयुष्य जगत होता. त्याला 3 बायका व 7 मुले आहेत.

पोलिसांनी हा देशातील सर्वात मोठा कार चोर असल्याचा आरोप केला आहे. त्याने 27 वर्षांत 5 हजारांहून अधिक कार चोरल्या. सेंट्रल दिल्ली पोलिसांच्या विशेष अधिकाऱ्यांना अनिलच्या कारवायांची खबर मिळाली होती. त्यानंतर त्याच्या देशबंधू गुप्ता मार्गावरून मुसक्या आवळण्यात आल्या. पोलिसांनी त्याच्याकडून 6 पिस्तूल व 7 काडतुसे जप्त केली आहेत.