बीडः देशात सर्वच बाबतीत महागाईचे दर वाढत असतानाच केंद्र सरकारने आता बीजी २ या बीटी  कापुस बियाणाचे दर देखिल वाढविले आहेत. या बियाणाच्या दरात तब्बल ३२ रुपयांची वाढ (price hike ) करण्यात आली आहे.

कापुस बियाणाच्या बाबतीत देशभरात बीटी तंत्रज्ञानाचा वापर करुन तयार केलेल्या BG 2 या बियाण्याला मागणी आहे. या बियाणाच्या दरावर केंद्र सरकारचे नियंत्रण असते. मागील वर्षी या बियाणाचे ४५० ग्राम च्या(अधिकच्या १२० ग्राम रिप्युजी बियाणासह)  bag चे दर  ७३० ₹ होते. ते आता या वर्षासाठी ७६७₹ करण्यात आले आहेत. शेतकऱ्यांना हा मोठा फटका असणार आहे.