मुंबई : राज्यातील राजकीय घडामोडींना आज वेग आला असून, काँग्रेसच्या ज्येष्ठ नेत्या आणि विधानपरिषदेच्या आमदार डॉ. प्रज्ञा सातव (Pradnya Satav) यांनी अखेर भाजपचे 'कमळ' हाती घेतले आहे. महसूल मंत्री चंद्रशेखर बावनकुळे (Chandrashekhar Bawankule) आणि भाजप प्रदेशाध्यक्ष रवींद्र चव्हाण (Ravindra Chavan) यांच्या प्रमुख उपस्थितीत हा पक्षप्रवेश सोहळा मुंबईत पार पडला. राहुल गांधी यांचे निकटवर्तीय मानल्या जाणाऱ्या सातव कुटुंबाने काँग्रेसची साथ सोडल्यामुळे राज्याच्या राजकारणात, विशेषतः मराठवाड्यात काँग्रेसला मोठा धक्का बसला आहे.