जयपूर : लोकसभा निवडणुकीसाठी राजकीय पक्षांकडून हालचाली सुरू झाल्या आहेत. आठवड्याभरात लोकसभा निवडणूक जाहीर होण्याची शक्यता आहे. दरम्यान, पक्षांकडून उमेदवारांच्या याद्या जारी केल्या जात आहेत. भाजपने त्यांची पहिली यादी जाहीर केलीय. दरम्यान, भाजपला राजस्थानमध्ये मोठा धक्का बसला आहे. भाजप खासदार राहुल कस्वान यांनी पक्षाच्या सदस्यत्वाचा राजीनामा देत काँग्रेसमध्ये प्रवेश केला.

राहुल कस्वान यांनी काँग्रेस अध्यक्ष मल्लिकार्जुन खर्गे यांच्या निवासस्थानी पक्षात प्रवेश केला. राहुल कस्वान काँग्रेसमध्ये गेल्याने चुरू मतदारसंघात नवीन राजकीय समीकरणे निर्माण झाली आहेत. राहुल कस्वान यांना चुरू लोकसभा मतदारसंघातून तिकीट दिलं जाण्याची शक्यता आहे. राहुल कस्वान यांनी सोशल मीडियावर काँग्रेसचं बॅनर असलेला फोटोही लावला आहे.