बीड- कॉलेजहून गावाकडे निघालेल्या १७ वर्षीय मुलीची छेडछाड करत तिला धमक्या देऊन मोटारसायकलची धडक देत जखमी केल्याची घटना घडली असून या प्रकरणी घाटसावळी येथील एका तरुणाविरोधात गुन्हा दाखल करण्यात आला आहे.

   टोकवाडी येथील १७ वर्षीय तरुणी ढेकणमोहा येथील महाविद्यालयात शिक्षण घेत आहे. या मुलीस घाटसावळी येथील अक्षय जाधव नामक तरुण नेहमीच त्रास देत असत. ५ जानेवारी रोजी सदरील तरुणी देवळा येथून आपल्या गावाकडे निघाली असता पाठिमागून अक्षय जाधव हा आला व त्याने मुलीस मोटारसायकलची धडक देऊन तिला जखमी केले. या प्रकरणी मुलीच्या फिर्यादीवरून आरोपी अक्षय जाधव याच्या विरोधात गुन्हा दाखल करण्यात आला आहे.