बीड - पतंग काढत असतांना गॅलरीतून खाली पडल्याने एका ९ वर्षीय चिमुकल्याचा दुर्देवी मृत्यु झाल्याची घटना काल सायंकाळच्या दरम्यान शहरातील पांगरी रोड परिसरात घडली. या घटनेने सर्वत्र हळहळ व्यक्त केली जात आहे.

कृष्णा दिलीप तकीक यांचा मुलगा काल सायंकाळच्या दरम्यान आपल्या घराच्या गच्चीवर पतंग उडवत होता. त्याचा पतंग आडकल्याने तो काढण्याचा प्रयत्न करत होता. पतंग काढत असतांना तोल जावून तो गॅलरीतून खाली पडला. यामध्ये त्याला गंभीर मार लागून तो गतप्राण झाला. या मुलांवर रात्री उमरद जहॉगिर येथे शोकाकुल वातावरणात अंत्यसंस्कार करण्यात आले. या घटनेने उमरद जहॉगिर व खापर पांगरी येथे हळहळ व्यक्त केली जात आहे.