बीड-  शिवणी माध्यमिक विद्यालयामध्ये शिक्षण घेणार्‍या एका दहावीच्या विद्यार्थ्यास चार ते पाच विद्यार्थ्यांनी रॉडने मारहाण केल्याची घटना काल घडली असून यात सदरील विद्यार्थी जखमी झाला असून त्याच्यावर बीडच्या जिल्हा रुग्णालयामध्ये उपचार सुरू आहेत.

  आदित्य सानप हा विद्यार्थी शिवणी हायस्कुलमध्ये दहावीच्या वर्गात शिक्षण घेत आहे. काल त्याला शाळेच्या परिसरामध्ये काही विद्यार्थ्यांनी रॉडने हल्ला करून जखमी केले. सानप याच्या डोक्यावर गंभीर दुखापत झाल्याने त्याच्यावर बीड जिल्हा रुग्णालयामध्ये उपचार सुरू आहेत. सदरील हा मारहाणीचा प्रकार कुठल्या कारणावरून घडला हे मात्र समजू शकले नाही. या प्रकरणाचा पुढील तपास पिंपळनेर पोलीस करत आहेत.