बीड-जिल्ह्याचे पालकमंत्री तथा राज्याचे कृषिमंत्री धनंजय मुंडे हे पुन्हा एकदा कोरोनाबाधिता झाले असून त्यांची प्रकृती स्थिर आहे. मुंडे यांनी स्वतः सोशल मीडियावर पोस्ट टाकून या आजाराची माहिती देत काळजी घेण्याचे आवाहन केले आहे.
धनंजय मुंडे यांनी आपल्या पोस्टमध्ये म्हटले आहे, नागपूर अधिवेशन संपल्यानंतर अस्वस्थ वाटू लागल्याने मी तपासणी केली असता पुन्हा एकदा कोविड पॉझिटिव्ह असल्याचे आढळून आले. मला सध्या फारसा त्रास नाही, मात्र डॉक्टरांच्या सल्ल्याने मागील ४ दिवसांपासून क्वारंटाईन राहून योग्य उपचार घेत आहे. काळजी करण्याचे कोणतेही कारण नाही. मी लवकरच बरा होऊन आपल्या सर्वांच्या सेवेत पुन्हा दाखल होईल... सध्या थंडीचे वातावरण असून कोविडच्या नव्या आवृत्तीने शिरकाव केला आहे. त्यादृष्टीने घाबरून न जाता सर्वांनी आरोग्याची योग्य ती काळजी घ्यावी असे आवाहन त्यांनी केले आहे.
