काँग्रेस,राष्ट्रवादी आणि उध्दव ठाकरे यांची शिवसेना तीन पक्ष एकत्रित येवून माढा आणि सोलापूर लोकसभा निवडणूक लढवणार आहोत. आमची निती साफ आहे. त्यामुळे या दोन्ही लोकसभेच्या जागांसह विधानसभेच्या सर्व जागा महाविकास आघाडी जिंकेल असा विश्वास राष्ट्रवादीचे नेते शरद पवार यांनी आज व्यक्त केला. या निडणुकीत महाविकास आघाडी किती जागा जिंकेल असे विचारले असता, आताच सांगता येणार नाही असे पवार यांनी सांगितले.
पंतप्रधान नरेंद्र मोदी पाच राज्यांच्या निवडणुकामध्ये ज्या पद्धतीने प्रचार करत आहेत. ती पध्दत चुकीची आहे. निवडणुकीतील आत्मविश्वास ढळल्याचे दिसून येत आहे. लोक अशाप्रकारच्या आमिषाला बळी पडणार नाही‌त. पाच राज्यामध्ये भाजप विरोधी मुख्यमंत्री असतील असे भाकित राष्ट्रवादीचे नेते शरद पवार यांनी केले आहे. शरद पवार यांच्या उपस्थितीत माढा तालुक्यातील कापशी वाडी येथे शेतकरी मेळावा झाला. मेळाव्या पूर्वी शरद पवार यांनी पत्रकारांशी संवाद साधला. यावेळी पवार यांनी मोदीवर टिकास्त्र सोडले.
