बीड-गर्दीचा फायदा घेऊन गळ्यातील सोन्याची चैन लंपास करणारा चोरटा स्थानिक गुन्हे शाखेने जेरबंद केला आहे. छत्रपती शिवाजी महाराज चौक बीड येथे गौरव खेडकर (रा.कालिका नगर) यांच्या गळयातील ३ तोळ्यापेक्षा अधिक वजन असलेली चैन ज्यांची किंमत १ लाख ९०हजार आहे, ती चोरट्याने लंपास केली होती. याप्रकरणी शिवाजी नगर पोलीस ठाण्यात अज्ञात चोरट्याविरोधात गुन्हा दाखल करण्यात आला होता.दरम्यान या गुन्ह्याबाबतची माहिती स्थानिक गुन्हे शाखेचे पोलीस निरीक्षक संतोष साबळे यांना मिळाली होती. त्यांनी पोलीस उपनिरीक्षक श्रीराम खटावकर व इतर कर्मचाऱ्यांना सूचना करून यातील आरोपी असलेल्या मनोज महादेव बहिरवाळ (रा.लक्ष्मणनगर) यास बसस्थानकाजवळ सापळा रचून जेरबंद केले. यावेळी आरोपीने चोरलेली चैन पोलिसांच्या हवाले केली. सदर आरोपी आणि चोरी गेलेला मुद्देमाल शिवाजी नगर पोलिसांच्या स्वाधीन करण्यात आला आहे. सदरची कामगिरी पोलीस अधीक्षक नंदकुमार ठाकुर,अप्पर पोलीस अधीक्षक सचिन पांडकर यांच्या मार्गदर्शनाखाली स्थानिक गुन्हे शाखेचे पोलीस निरीक्षक संतोष साबळे, पोउपनि श्रीराम खटावकर, मनोज वाघ,प्रसाद कदम, विकास वाघमारे, सोमनाथ गायकवाड ,सचिन आंधळे, नारायण कोरडे यांनी केली.