अंबाजोगाई (प्रतिनिधी)- शहरातील गजबजलेल्या शिवाजी चौकात दुध घेण्यासाठी उभ्या केलेल्या एका इंडिका गाडीवर पुण्याहून येणारी गजराज ट्रॅव्हल्स जोराने धडकली. या अपघातात इंडिका आणि ट्रॅव्हल्स गाडीचे मोठे नुकसान झाले असले तरी सुदैवाने प्राणहानी झाली नाही.

अधिक माहिती अशी की, ट्रॅव्हल्समध्ये १२ प्रवासी होते शिवाजी चौकात दररोज सकाळी रोडच्या कडेला दुध विक्रेते गर्दी करतात त्यामुळे वाहतुकीला अडथळा होतो. याचवेळी पुण्याहून येत असलेली गजराज ट्रॅव्हल्स या गाडीची धडक तिथे उभा असलेली इंडिका गाडीला धडक दिली. ही धडक एवढी जोराची होती की ट्रॅव्हल्स जागीच पलटी झाली. यामध्ये कसलीच जीवितहानी झाली नाही. मात्र काही काळ येथे गोंधळ उडाला होता.

घटनेची माहिती मिळताच सामाजिक कार्यकर्ते नंदकिशोर मुंदडा यांनी भेट देवुन पोलिसांना फोन करुन बोलावुन यंञना गतिमान केली.