वाशीम - विदर्भ आणि मराठवाड्याला मुंबईसोबत सोडणाऱ्या समृद्धी महामार्गावर आणखी एक अपघात झाला आहे. मंगळवारी संध्याकाळी गौरी गणपतीसाठी पुण्याहून अमरावतीला जाणाऱ्या कुटुंबाच्या कारचा वन्यप्राण्याला धडकून भीषण अपघात झाला आहे. या अपघातात एकाचा जागीच मृत्यू झाला असून तर तीन जण गंभीर जखमी झाले आहेत.

अधिक माहिती अशी कि, वाशिम जिल्ह्यात काल संध्याकाळी वनोजा कारंजा दरम्यान चॅनल क्रमांक 196 जवळ हा अपघात घडला. दुरतकर कुटुंबीय गौरी गणपतीसाठी पुण्याहून अमरावतीला समृद्धी महामार्गाने प्रवास करत होते. मात्र, त्यांच्या गाडीसमोर अचानक वन्यप्राणी आले. अचानक समोर आलेल्या प्राण्यांमुळे हा अपघात झाला. या अपघातानंतर तत्परतेने बचाव कार्य करत प्रवाशांना बाहेर काढण्यात यश आले.