बीड दि. १७ (प्रतिनिधी ) : राज्यातील तलाठी भरती प्रक्रियेसाठी अर्ज भरण्याचा सोमवारी (दि. १७ ) शेवटचा दिवस होता. मात्र सर्व्हरच्या अडचणींमुळे अनेकांना अद्याप अर्ज भरता आलेले नाहीत. त्यामुळे आता सदरचे अर्ज भरण्यासाठी राज्यसरकारने मुदतवाढ दिली आहे. आता आणखी एक दिवस म्हणजे मंगळवार (दि. १८ ) पर्यंत अर्ज भरता येणार आहेत.

तलाठी भरतीचे अर्ज भरण्यास मुदतवाढ द्यावी अशी सार्वत्रिक मागणी होती. त्यानुसार आता राज्यसरकारने अर्ज भरण्यासाठी १ दिवसाची मुदतवाढ देण्याचा निर्णय घेतला आहे. त्यामुळे तलाठी भरतीचे अर्ज मंगळवार (दि. १८ ) रोजी देखील भरता येणार आहेत. तर ऑनलाईन पद्धतीने शुल्क २० तारखेच्या रात्री ११:५५ पर्यंत भरता येणार आहे.