बीड - तालुक्यातील नागापूर खुर्द येथील एका २० वर्षीय तरूणाने लिंबाच्या झाडाला दोरीच्या साहय्याने गळफास घेत आत्महत्या केल्याची घटना आज सकाळी उघडकीस आली आहे. वैभव जगताप (वय-२०) असे मयत तरुणाचे नाव आहे.

मयत तरूणाने आज सकाळी नागापूर खुर्द शिवारातील शेतात सकाळी ७ वाजण्याच्या दरम्यान लिंबाच्या झाडाला गळफास घेऊन आत्महत्या केली आहे आत्महत्येची माहिती मिळताच पिंपळनेर पोलीस ठाण्याचे अशोक दराडे आणि त्यांचे सहकारी सोनवणे यांनी घटनास्थळी धाव घेतली आणि पंचनामा करून मृतदेह शविच्छेदन करण्यासाठी बीड येथील आरोग्य केंद्रात पाठविण्यात आला आहे.  वैभव यांनी आत्महत्या का केली याचे कारण मात्र समजु शकले नाही. मयत वैभव याच्या पश्चात आई. वडील आणि दोन भाऊ असा परिवार आहे पुढील तपास पिंपळनेर पोलीस करत आहेत.