नागरिकत्वाचा एक महत्त्वाचा दस्ताऐवज असलेल्या आधारकार्डवरील आपला पत्ता कितीही वेळा बदलता येतो. नाव केवळ दोनदाच बदलता येते. आधारकार्डवरील तपशिलात बदल करण्यासाठी काही मर्यादा आहेत. याची माहिती समोर आली आहे.

आधारकार्डमध्ये नाव फक्त दोनदा अपडेट किंवा बदलता येते, तर जन्मतारीख फक्त एकदाच बदलता येते. आधारकार्डवरील पत्ता कितीही वेळा अपडेट करता येतो. आधारवर नमूद केलेले लिंगदेखील अपडेट केले जाऊ शकते. आधारवर नोंदविलेल्या जेंडरमध्ये काही बदल हवा असेल तर त्यासाठी एक वेळची सुविधादेखील आहे.

मर्यादेपेक्षा जास्त बदल करण्यासाठी?
नाव, जन्मतारीख आणि लिंग अनेक वेळा बदलायचे असेल तर ते शक्य आहे, परंतु अपवादात्मक परिस्थिती असेल तरच तसे करता येते. यासाठी आधारच्या प्रादेशिक कार्यालयात संपर्क साधावा लागेल. किंवा [email protected] या वेबसाईटवर जावे लागेल. त्यानंतर जे बदल करायचे आहेत त्या संबंधित तपशील आणि त्याचे पुरावे द्यावे लागतील.

अचूक मोबाईल नंबर अपडेट करणे आवश्यक 
जर तुमचा योग्य मोबाईल नंबर आधार कार्डमध्ये अपडेट नसेल तर आधी तुम्हाला तो अपडेट करण्यासाठी आधारकार्ड केंद्रावर जावे लागेल. जर मोबाईल नंबर अपडेट केला असेल तर तुम्ही ऑनलाइन काही बदल करू शकता. आधार केंद्रावर जाऊन तुम्ही सहज मोबाईल नंबर अपडेट करू शकता.