सत्तासंघर्षाच्या निकालानंतर ठाकरे गट अ‍ॅक्शन मोडमध्ये आल्याचे दिसून येत आहे. शिवसेना ठाकरे गटाचे नेते अनिल परब आज सकाळी 11 वाजता विधान सभा सचिवांची भेट घेणार आहेत. गुरुवारी सर्वोच्च न्यायालयाने राज्याच्या संत्तासंघर्षावर निकाल दिला. या निकालाच्या पार्श्वभूमीवर ही भेट महत्त्वाची मानली जात आहे. अनिल परब हे आज ११ वाजता सचिवांची भेट घेणार आहेत. या भेटीवेळी सर्वोच्च न्यायालयाकडून देण्यात आलेल्या आदेशाचे पालन करून आपत्र आमदारांबाबत लवकरात लवकर निर्णय घेण्यात यावा, यासाठी परब सचिवांना निवेदन देण्याची शक्यता राजकीय वर्तुळात वर्तवली जात आहे. शिवसेनेतील 16 आमदारांना पात्र किंवा अपात्र ठरविण्याचा अधिकार सर्वोच्च न्यायालयाने विधान सभा अध्यक्षांकडे दिला आहे. त्यामुळे विधान सभा अध्यक्षांच्या निर्णयाकडे सर्वांचे लक्ष लागलं आहे. अशातच आज शिवसेना उद्धव ठाकरे गटाचे नेते अनिल परब विधान विधानसभा सचिवांची भेट घेणार आहेत. सर्वोच्च न्यायालयाकडून देण्यात आलेल्या आदेशानुसार अपात्र आमदारांसंदर्भात लवकरात लवकर निर्णय घ्यावा, अशा मागणीचं निवेदन ते सचिवांना देण्याची शक्यता आहे.
सुप्रीम कोर्टाने काय आदेश दिले आहेत?
सुप्रीम कोर्टाने राज्यातील सत्तासंघर्षावर निकाल देताना न्यायालयाकडून शिंदे गट आणि तत्कालीन राज्यपाल भगतसिंग कोश्यारी यांच्यावर चांगलेच ताशेरे ओढले. शिंदे गटाने नियुक्त केलेले मुख्य प्रतोत भारत गोगावले यांची नियुक्ती देखील घटनाबाह्य असल्याचे सुप्रीम कोर्टाने म्हंटलं आहे. त्याचबरोबर आमदारांच्या अपात्रेसंदर्भात विधान सभा अध्यक्षांनी निर्णय घ्यावा असे निर्देश सर्वोच्च न्यायालयाकडून देण्यात आले आहेत.
