चौसाळा दि.३० (प्रतिनिधी) - येथील किराणा वृद्ध दुकानदाराला बोलण्यात गुंतवून दोन भामट्याने घरात शिरून कपाटात ठेवलेले रोख रक्कम ६० हजार व ६ ग्राम सोने घेऊन पसार झाल्याची घटना.शनिवार (दि.२९) रोजी दुपारी ११ च्या दरम्यान घडली.
तालुक्यातील चौसाळा येथे गोरक्षण संस्थेच्या बाजूला वृद्ध किराणा दुकानदार राधाकिशन तोष्णीवाल हे दुकानातं असतांना दोघे जण दुकानात आले. आम्हाला भरपूर किराणा भरायचा आहे असे सांगून सामान घेण्याचा बहाणा केला. वृद्ध दुकानदाराची नजर चुकवून एक जण घरात शिरला त्याने वृद्ध दुकानदाराची पत्नी सुमित्रा तोष्णीवाल हिचीही नजर चुकून उपचारासाठी ठेवलेले कपाटातील रोख रक्कम ६० हजार व ६ ग्राम सोने घेऊन बाहेर पडला. बाहेर पडताना त्याने वृद्ध दुकानदाराला जोराने ढकलून पलायन केले. सदर प्रकरणी चौसाळा पोलिसांनी पंचनामा केला असून पुढील तपास पोलीस अधिकारी बळवंत हे करत आहेत.
