इंडियन प्रीमियर लीगच्या (आयपीएल) 16व्या हंगामाला आजपासून सुरुवात होत आहे. पहिला सामना चेन्नई सुपर किंग्ज (CSK) आणि गुजरात टायटन्स (GT) यांच्यात संध्याकाळी 7.30 पासून खेळवला जाईल. सामन्यापूर्वी अहमदाबादच्या नरेंद्र मोदी स्टेडियमवर आयपीएलचा उद्घाटन सोहळा सुरू आहे. हा सोहळा पाहण्यासाठी सुमारे 1.15 लाख प्रेक्षक स्टेडियमवर पोहोचले आहेत. अभिनेत्री मंदिरा बेदी या शोचे सूत्रसंचालन करत आहे.

अरिजितच्या परफॉर्मन्सने सोहळ्याची सुरुवात

उद्घाटन सोहळ्याची सुरुवात बॉलीवूड गायक अरिजित सिंगच्या परफॉर्मन्सने झाली. केशरिया, लेहरा दो, अपना बना ले, झूम जो पठाण, राबता, शिवाय, जीतेगा-जीतेगा, चढेया डान्स का भूत, राबता आणि सुभानअल्लाह या गाण्यांवर त्यांनी सादरीकरण केले. सुमारे अर्धा तास त्याने आपल्या गाण्यांनी श्रोत्यांना मंत्रमुग्ध केले.

प्रेक्षकांमध्ये उत्साह

उद्घाटन सोहळा सुरू होण्याआधीच प्रेक्षक त्यांच्या आवडत्या संघांना पाठिंबा देण्यासाठी पोस्टर घेऊन स्टेडियमबाहेर पोहोचले.

हे स्टार्सही करत आहेत परफॉर्म

अभिनेत्री तमन्ना भाटिया, रश्मिका मंदान्ना आणि गायक अरिजित सिंग 2023 IPL च्या उद्घाटन समारंभात सादरीकरण करत आहेत.