बीड - काल रात्री दुचाकी व चारचाकीची समोरा - समोर धडक झाल्याने एका ३१ वर्षीय तरुणाचा मृत्यु झाल्याची घटना लिंबागणेश जवळील एका पेट्रोलपम्पाच्या जवळ रात्री २ च्या सुमारास घडली आहे.
भागवत संदिपान काटवटे, (वय-३१) रा.अंजनवती ता.जि.बीड मोटारसायकल वरून ( एम एच २३ एक.क्यु. ०३६१)  पाटोद्याकडून लिंबागणेशकडे येत असतांना मारुती सुजूकी चारचाकी वाहन अंबाजोगाई येथुन पाटोद्याकडे जात असताना एका पेट्रोल पंपाजवळ दोघांची समोरासमोर धडक झाल्याने दुचाकी स्वार भागवत काटवटे हा तरुण गंभीर जखमी झाला होता.यावेळी तेथील ग्रामस्थानी तेथील पोलीस चौकीत हा प्रकार घडल्याचा सांगताच पोलीस घटना स्थळी दाखल होऊन तरुणाला रुग्णालयात दाखल केले असता त्याचा उपचारादरम्यान मृत्यू झाल्याचे सांगण्यात येत आहे. पोलिसांनी चारचाकी चालक व कार ताब्यात घेतली असून या प्रकरणी लिंबागणेश पोलीस ठाण्यात गुन्हा नोंद करण्यात आलेला आहे.