श्रीलंका आणि न्यूझीलंड यांच्यातील पहिल्या कसोटी सामना अतितटीचा झाला. कारण दिवसाच्या शेवटच्या चेंडूवर न्यूझीलंडने हा सामना फक्त २ विकेट्स राखून जिंकला. अखेरच्या षटकात चौकार ठोकणारा केन विल्यमसन या सामन्याचा शिल्पकार ठरला. दुसरीकडे भारत आणि ऑस्ट्रेलिया यांच्यात अहमदाबादमध्ये शेवटचा कसोटी सामना अनिर्णीत राहिला होता.पण त्याआधीच भारताला वर्ल्ड टेस्ट चॅम्पियनशिपच्या अंतिम सामन्यात प्रवेश मिळाला आहे. वर्ल्ड टेस्ट चॅम्पियनशिपचा अंतिम सामना लंडनच्या ओव्हल मैदानात ७ जून ते ११ जून या कालावधीत खेळवला जाणार आहे. भारताने याआधीही डब्ल्यूटीसीच्या फायनलमध्ये प्रवेश केला होता. पण न्यूझीलंडने त्यावेळी भारताचा पराभव केला होता.