बीड  - मोटारसायकलवर येवुन महिलेच्या गळ्यातील गंठन लंपास करणार्‍या दोघांना शिवाजीनगर पोलीसांनी गजाआड केले आहे. घटना घडल्यानंतर पोलीसांनी अवघ्या अर्ध्या तासामध्ये दोघांना ताब्यात घेतले असुन त्यांची कसुन चौकशी सुरू आहे. बीड शहरातील अंकुश नगर भागात दि.14 फेब्रुवारी रोजीसायं.6.30 च्या सुमारास सुनिता  किशोर वीर या भाजी खरेदी करत असतांना त्याठिकाणी मोटार सायकलवर आलेल्या दोघांनी त्यांच्या गळ्यातील 40 हजार किंमतीचे मिनी गंठन बळजबरीने तोडून ओरबाडुन घेतले. या प्रकरणी वीर यांच्या फिर्यादीवरून शिवाजीनगर पोलीस ठाण्यात गुन्हा दाखल झाला आहे. सदरील घटनेचा गुन्हा दाखल होत नाही तोच उत्तम नगर भागातही काल रात्री 9.30 च्या सुमारास आणखी एका महिलेचे गंठन त्याच पध्दतीने लांबवल्याची घटना पोलीसांनी कळाली. नागरीकांनी या बाबतची माहिती देताच शिवाजीनगर ठाण्याचे पो.नि.केतन राठोड यांच्या मार्गदर्शनाखाली एपीआय अमोल गुरले, फेरोज पठाण, साळवे यांनी तात्काळ घटनास्थळी धाव घेतली. नागरीकांनी व पोलीसांनी पाठलाग करण्याचा प्रयत्न केला. त्याचवेळी त्या दोघांची मोटारसायकल उत्तम नगर येथील एका खांबाला धडकली आणि त्याच वेळी पोलीसांनी शेख अखील हसनुद्दीन (तेलगाव नाका, बीड) आणि अकबर खान सिकंदर खान (बशिरगंज, बीड) दोघांना ताब्यात घेतल्याचे पोलिसांनी सांगितले.