बीड दि.१३ (प्रतिनिधी)-बीड जिल्हा क्रिकेट असोसिएशनची अष्टपैलू महिला खेळाडू मुक्ता मगरेचा वुमेन्स आयपीएलच्या नॉमिनेशन यादीत समावेश करण्यात आला आहे. या यशाबद्दल मुक्ता मगरे हिचे बीड जिल्हा क्रिकेट असोसिएशनचे अध्यक्ष डॉ. भारतभूषण क्षीरसागर, डॉ. योगेश क्षीरसागर, सचिव प्रा. आमेर सलीम, महेश वाघमारे, राजन साळवी, इरफान कुरेशी, मनोज जोगदंड, जावेद पाशा, रिजवान खान,गोपाल गुरखूदे, अतीक कुरेशी,अक्षय नरवडे , शाहरुख पठाण यांनी अभिनंदन करून पुढील वाटचालीस शुभेच्छा दिल्या आहेत.विशेष म्हणजे बीड जिल्हा क्रिकेट असोसिएशनचे खेळाडू हे महाराष्ट्र आणि भारतीय संघाच्या विविध वयोगटात बीडचे प्रतिनिधित्व करीत असून हे बीड जिल्ह्यासाठी अभिमानास्पद आहे.