अशोक शिंदे
नेकनूर - दि १० . (वार्ताहर) बीड तालुक्यातील पाली येथील धरणाच्या काठी पँट , आधार कार्ड , घड्याळ व ७५ रुपये ठेवून गायब झालेल्या केशव भिकाजी काशीद वय २९ रा. नेकनूर हल्ली मू ( बार्शी नाका , अशोकनगर , बीड ) याचा ८ तारखेपासून शोध लागलेला नव्हता . आज अखेर त्याचा मृतदेह पालीच्या धरणात नेकनूर ग्रामस्थांना पाहणी करता वेळेस आढळून आला आहे.
केशव काशीद हा मूळचा नेकनूर येथील असून बीडमध्ये मामाकडे राहतो . ७ फेब्रुवारीला मामा व त्यांचे कुटुंबीय हैदराबादला गेले . त्यानंतर केशव कोठे गेला , त्याचे काय झाले , याचे रहस्य कायम होते. ८ फेब्रुवारी रोजी पाली येथील तलावाच्या काठी त्याची पँट , त्यात आधार कार्ड , घड्याळ असे साहित्य पाटबंधारे विभागाच्या कर्मचाऱ्यांना आढळले होते. त्यानंतर आज नेकनूर ग्रामस्थानी जावून शोध घेतला तेव्हा त्यांना केशवचा मृतदेह दिसून आला.
