बीड (प्रतिनिधी) - बीड शहरात चोरट्यांचा धुमाकूळ पाहायला मिळत आहे. शहरातील पूरग्रस्त कॉलनी भागात घराचा दरवाजा तोडून अज्ञात चोरांनी किराणा दुकानात घुसून किराणा सामानासह रोख रक्कम 10 ते 12 हजाराची चोरी केली. 
या बाबत सविस्तर माहिती अशी की, पूरग्रस्त कॉलनी भागात राहणारे आप्पासाहेब जावळे यांचे किराणा दुकान आहे. दि.07 मंगळवाऱ रोजी माता रमाई यांच्या जयंतीनिमित्त भागात आयोजित करण्यात आलेल्या
जयंतीच्या कार्यक्रमात परिवारासह सहभागी झाले होते. याच संधीचा फायदा घेऊन चोरांनी सायंकाळी 8:30 च्या दरम्यान त्यांच्या घराचा दरवाजा तोडून किराणा दुकानातून किराणा समानासह रोख रक्कम 10 ते 12 हजार रुपये चोरून नेले. या अज्ञात चोरांविषयी जावळे यांनी पेठ बीड पोलीस ठाण्यात तक्रार दिली असून पोलिसांकडून अज्ञात चोरट्यांचा शोध घेणे सुरू आहे.