नेकनूर-लिंबागणेश येथून मांजरसुब्याकडे दूध घेऊन निघालेल्या पिकअपमध्ये न सांगता एक भोळसर महिला गाडीत बसली होती.सदर गाडी मा़ंजरसुंभा ते पाटोदा राष्ट्रीय महामार्गावर खंडाळा फाट्यापर्यंत आल्यानंतर चालू पिक अपमधून त्या महिलेने मागच्या मागे उडी मारल्याने तिच्या डोक्याला गंभीर दुखापत झाली,आणि त्यातच ती गतप्राण झाली.
रूक्मिणी जगदीश ढास (वय-४०) या असे त्या भोळसर महिलेचे नाव आहे.घटनास्थळी  नेकनूर पोलीस ठाणे उपनिरीक्षक विलास जाधव आणि लिंबागणेश पोलीस चौकीचे जमादार श्री.सोनावणे यांनी भेट देऊन पंचनामा केला.मृतदेह शवविच्छेदनासाठी लिंबागणेश येथील प्राथमिक आरोग्य केंद्रात घेऊन जाण्यात आला असून रूक्मिणी ढास यांच्या पश्चात पती,मुलगा,मुलगी असा परिवार आहे.