उस्मानाबाद दि.२३ (प्रतिनिधी) - येथील रमाई नगर येथील एमआयडीसी परिसरातील उड्डाणपुलाला माता रमाई भिमराव आंबेडकर उड्डाणपूल जीवा काशीद चौक, उस्मानाबाद असे नामकरण दि.२१ सप्टेंबर रोजी करण्यात आले.

उस्मानाबाद शहरातील एमआयडीसी परिसरात डॉ. बाबासाहेब आंबेडकर मराठवाडा विद्यापीठ उपकेंद्र परिसर आहे. तसेच आंबेडकरी विचारांना मानणारे आंबेडकरी अनुयायी मोठ्या प्रमाणात असून येथील रमाई महिला मंडळाच्या बैठकीत या उड्डाणपुलास माता रमाई भीमराव आंबेडकर उड्डाणपूल जीवा काशीद चौक उस्मानाबाद असे नामकरण करण्याचा ठराव घेण्यात आला. आंबेडकर अनुयायांच्या उपस्थितीत नामकरण करण्यात आले. यावेळी अनुराधा लोखंडे, लक्ष्मी गायकवाड, सुरेखा गंगावणे, महिना सिद्धगणेश, रुक्मिणीताई बनसोडे, सुमन वाघमारे, लोचनाबाई भालेराव, रिंकू कदम आदीसह विविध पक्षाचे पदाधिकारी उपस्थित होते.