नवी दिल्ली : भारतीय उद्योगपती गौतम अदानी हे फ्रान्सचे बर्नार्ड अर्नॉल्ट आणि जेफ बेझोस यांना मागे टाकत आता जगातील दुसऱ्या क्रमांकाचे श्रीमंत व्यक्ती बनले आहेत. अदानी समूहाच्या अध्यक्षांच्या संपत्तीत शुक्रवारी ५ अब्ज डॉलर्सची वाढ झाली असून त्यानंतर त्यांची संपत्ती आता सुमारे १५५.७ अब्ज डॉलर्स एवढी आहे. अदानी आता फक्त टेस्लाचे मुख्य कार्यकारी एलोन मस्क यांच्या मागे आहे ज्यांची एकूण संपत्ती अंदाजे २७३.५ अब्ज डॉलर आहे.

फ्रेंच उद्योगपती बर्नार्ड अर्नॉल्ट १५५.२ अब्ज डॉलर संपत्तीसह तिसरे आणि अॅमेझॉनचे संस्थापक जेफ बेझोस १४९.७7 अब्ज डॉलरच्या संपत्तीसह चौथ्या क्रमांकावर आहेत. याशिवाय टेस्लाचे सीईओ एलोन मस्क २७३.५ अब्ज डॉलर्ससह पहिल्या क्रमांकावर आहेत. भारतीय शेअर बाजारात गुरुवारी घसरण झाली. मात्र या घसरणीनंतरही अदानी समूहाच्या कंपन्यांच्या शेअर्समध्ये मोठी तेजी दिसून आली.अदानी समूहाच्या सातही सूचीबद्ध कंपन्यांचे समभाग वधारले. समूहाची प्रमुख कंपनी अदानी एंटरप्रायझेस ४.९७ टक्क्यांनी सर्वाधिक वाढली.

अदानी ट्रान्समिशन ३.२७ टक्के, अदानी टोटल गॅस १.१४ टक्के, अदानी ग्रीन एनर्जी २.०० टक्के, अदानी पोर्ट्स २.२१ टक्के, अदानी पॉवर इट ३.४५ टक्के आणि अदानी विल्मार ३.०३ टक्के वाढले. दरम्यान, फोर्ब्सच्या रिअल टाइम अब्जाधीशांच्या यादीनुसार गुरुवारी अदानीची एकूण संपत्ती ५ अब्ज डॉलरने वाढली. तसेच अर्नॉल्टची एकूण संपत्ती ३.१ अब्ज डॉलर आणि बेझोसची २.३ अब्ज डॉलरने कमी झाली आहे.

शेअर्समाडे झपाट्याने वाढ
दरम्यान, ब्लूमबर्ग बिलियनेअर्स इंडेक्सनुसार त्यांची एकूण संपत्ती १४९ अब्ज डॉलर झाली आहे. अदानीच्या एकूण संपत्तीत यावर्षी ७२.४ अब्ज डॉलरची वाढ झाली आहे. एप्रिल २०२० पासून अदानी समूहाचे काही समभाग १,००० टक्क्यांपर्यंत वाढले आहेत. यामुळे अदानींच्या संपत्तीचा रॉकेट वेगाने वाढला आहे. याशिवाय अदानीने अलिकडच्या वर्षांत आपला व्यवसाय लक्षणीयरीत्या वाढवला असून त्यांनी डायमंड ट्रेडिंगमधून व्यवसाय सुरू केला पण नंतर कोळसा व्यवसायात ते सामील झाले.

आजच्या काळात त्यांचा समूह कोळशापासून बंदरे, मीडिया, सिमेंट, अॅल्युमिना आणि डेटा सेंटरपर्यंतचा व्यवसायात कार्यरत आहे. अदानी समूह हा मार्केट कॅपनुसार देशातील दुसरा सर्वात मोठा समूह बनला आहे. अदानी समूह देशातील सर्वात मोठा खाजगी क्षेत्रातील बंदर आणि विमानतळ ऑपरेटर आहे. यासोबतच सिटी गॅस वितरण आणि कोळसा खाणकामातही ते पहिल्या क्रमांकावर आहे. अदानी समूहानेही हरित ऊर्जेवर ७० अब्ज डॉलर गुंतवणुकीची घोषणा केली आहे.