पाटोदा दि.२४ (वार्ताहर)नगर महामार्गावर असलेल्या महेंद्रवाडीच्या घाटात रेल्वेचे सामान घेऊन जाणारी ट्रक अवघड वळणावर शनिवारी रात्री आठच्या सुमारास पलटी झाल्यामुळे ट्रक खोल दरीत कोसळला.यात निखील दहिफळे (वय-१८ रा.खडकवाडी ता.पाटोदा) व नानासाहेब सानप (वय-२१ खडकवाडी ता.पाटोदा) यांचा जागीच मृत्यू झाला आहे. या घटनेने खडकवाडी येथे शोककळा पसरली आहे. या घटनेची माहिती मिळताच पाटोदा पोलिस ठाण्याचे पीएसआय पतंगे , पोलिस कर्मचारी संभाजी सोळंके , काकडे यांनी घटनास्थळी तात्काळ धाव घेतली होती.
पाटोदा पोलिस ठाणे हद्दीत येत असलेल्या महेंद्रवाडीच्या घाटात दौंडकडून येणारा ट्रक (एम.एच.२३ डब्लू २६८३) हा आला असता ट्रक चालकाला कॉर्नरचा अंदाज न आल्यामुळे सदरिल ट्रक खोल दरीत कोसळला. या ट्रक मधील निखील दहिफळे व नानासाहेब सानप यांचा जागीच मृत्यू झाला आहे. अपघात झालेला ट्रक हा सावरगाव येथील असल्याचे कळते ट्रक मधील मयत झालेले दोन्ही युवक हे अविवाहीत होते .
