बीड : पोलीस महासंचालकांनी केलेल्या बदल्यानंतर शुक्रवारी उशीरा औरंगाबाद परिक्षेत्राचे विशेष पोलीस महानिरीक्षक के.एम.एम.प्रसन्ना यांनी देखील पोलीस अधिकार्‍यांच्या परिक्षेत्रांतर्गत बदल्या केल्या असून यात बीड जिल्हा पोलीस दलात मोठ्या प्रमाणावर बदल झाले आहेत. 
पोलीस निरीक्षक संवर्गातील बीड मधील सुरेश बुधवंत यांची उस्मानाबाद येथे बदली झाली आहे. तर उस्मानाबाद येथून साईनाथ ठोंबरे आणि सुरेश चाटे हे दोन पोलीस निरीक्षक बीड जिल्ह्यात येत आहेत.
सहाय्यक पोलीस निरीक्षक संवर्गात बीड जिल्ह्यातून सुरेश खाडे (जालना), महेश टाक (जालना), गजानन जाधव (औरंगाबाद), सलील पठाण (औरंगाबाद), संदीप साबळे (जालना), कोमल शिंदे (औरंगाबाद ग्रामीण), राजाराम तडवी (जालना), निलेश केळे (औरंगाबाद), आरती जाधव (औरंगाबाद) अशा बदल्या झाल्या आहेत तर सहाय्यक पोलीस निरीक्षक संवर्गातील बीड जिल्ह्यात येत असलेल्या अधिकार्‍यांमध्ये गोरक्ष पालवे (उस्मानाबाद), शंकर शिंदे (जालना), महेश आंधळे (औरंगाबाद), मुस्तफा इस्माईल शेख (उस्मानाबाद), किशोर घोरगे (उस्मानाबाद), नितीन मिरकर (उस्मानाबाद) या अधिकार्‍यांचा समावेश आहे.
पोलीस उपनिरीक्षक संवर्गातील सुरेश माळी, गणेश गोडसे, अश्‍विनी कुंभारे, राज मोहम्मद मोमीन, अनुसया माने या अधिकार्‍यांच्या इतर जिल्ह्यात बदल्या झाल्या आहेत तर या संवर्गातील मोहन जाधव, मनिषा गिरी, अर्जुन चौधर, गणपत जागडे, भगतसिंग दुल्लत, शैलेश शेजुळ, सुबोध जमदाडे हे बीड जिल्ह्यात येणार आहेत.