आष्टी : ऊसतोड मजुर मुकादम वाहतुकदारांचा संप आगामी काळात चिघळण्याची शक्यता असून याचाच परिणाम म्हणून अहमदनगर - मिरजगाव महामार्गावरुन आष्टी तालुक्यातील धिर्डी येथून रविवारी  राञी एकच्या सुमारास ऊसतोड मजुरांची वाहतूक करत असलेला आयशर टेम्पो जाळल्यात आला आहे.सदर टेम्पो हा ऊसतोड मजुर घेऊन पैठण तालुक्यातील आपेगाव येथून पंढरपूरच्या दिशेने जात असल्याची माहिती समोर येत आहे.पंधरा ते वीस मजुर या टेम्पोतून प्रवास करत होते.सदर घटनेची दाहकता लक्षात येताच या मजुरांनी घटनास्थळावरुन मिळेल त्या वाहनाने पळ काढल्याचे परिसरातील नागरिकांनी सांगितले.