केज : तालुक्यातील आडस व शिंदी येथील वृध्दांनी आत्महत्या केल्याचे समोर आले. आडस येथील वृद्धाने शनिवारी तर शिंदी येथील वृद्धाने आज सकाळी गळफास घेऊन आत्महत्या केली. दोन दिवसात तालुक्यात दोघांनी आत्महत्या केली असून, या मागील कारण समजू शकले नाही.

शिवाजी रामभाऊ निंगुळे ( वय ६७ वर्ष रा. आडस ता. केज) यांनी शनिवारी ( दि. १९ ) सकाळी ७ वाजण्याच्या आगोदर स्वतः च्या शेतात बांधावरील झाडाला गळफास लावून आत्महत्या केली. तर दुसरी घटना शिंदी ( ता. केज) येथे घडली आहे. विष्णू कडीराम पारवे ( वय ६० वर्ष )

असे आत्महत्या केलेल्या वृद्धाचे नावं आहे. त्यांनी स्वतः च्या राहत्या घरी पत्र्याच्या अडूला गळफास लावून आत्महत्या केली. दोन दिवसात दोन वृद्धांनी आत्महत्या करुन आपलं आयुष्य संपवल्याचे समोर येताच हळहळ व्यक्त केली जात आहे.