केज :- केज तालुक्यातील मस्साजोग येथील आंबे नावाच्या शिवारात ४५ वर्षीय विवाहित तरुणाने आंब्याचा झाडाला गळफास घेऊन आत्महत्या केल्याची घटना घडली आहे.

या बाबतची माहीती अशी, की, दि. १५ केज तालुक्यातील मस्साजोग येथील दत्तात्रय लक्ष्मण गायकवाड या ४५ वर्षाच्या विवाहीत तरुणाने मस्साजोग शिवारातील आंबे नावाने ओळखल्या जात असलेल्या शेत शिवारात आंब्याच्या झाडाला गळफास घेऊन आत्महत्या केली. या प्रकरणी केज पोलीस ठाण्यात फौजदारी प्रक्रिया गुन्हे संहिता १७४ प्रमाणे आकस्मिक मृत्यूची नोंद घेण्यात आली आहे. पुढील तपास पोलीस नाईक मुंडे हे करीत आहेत.