बजाज ग्रुपचे माजी अध्यक्ष राहुल बजाज यांचे शनिवारी पुण्यात निधन झाले. गेल्या अनेक वर्षांपासून ते कँसरशी झुंज देत होते. मात्र, ग्रुपकडून याबाबत अद्याप कोणतीही अधिकृत घोषणा करण्यात आलेली नाही. सोशल मीडियावर अनेकांनी त्यांना श्रद्धांजली वाहिली आहे.

ज्येष्ठ उद्योगपती राहुल बजाज यांनी गेल्या वर्षी २९ एप्रिल रोजी बजाज ऑटोच्या अध्यक्षपदाचा राजीनामा दिला होता. वयाचे कारण देत त्यांनी पद सोडले. 1972 पासून ते या पदावर होते. त्यानंतर राहुल बजाज यांना कंपनीचे अध्यक्ष एमिरेट्स म्हणून जबाबदारी देण्यात आली होती. बजाज ऑटोच्या संचालक मंडळावरील नीरज बजाज यांना कंपनीचे नॉन एग्झिक्युटीव्ह अध्यक्ष बनवण्यात आले होते.

कंपनीने स्टॉक एक्स्चेंजला दिलेल्या नोटीसमध्ये म्हटले आहे की, राहुल बजाज यांनी गेल्या पाच दशकांमध्ये कंपनी आणि समूहाच्या यशात मोठे योगदान दिले आहे. हे पाहता, कंपनीने त्यांना 1 मे 2021 पासून 5 वर्षांच्या कालावधीसाठी एमिरेट्सचे अध्यक्ष बनवण्याचा निर्णय घेतला आहे.