नवी दिल्लीः सरकारी टेलिकॉम कंपनी भारत संचार निगम लिमिटेड अर्थात BSNL अशी एकमेव टेलिकॉम कंपनी आहे. जिने आपल्या प्रीपेड प्लान्सच्या किंमतीत वाढ केली नाही. बाकी सर्व खासगी टेलिकॉम ऑपरेटर्सने आपल्या प्रीपेड प्लान्सच्या किंमतीत २० ते २५ टक्के वाढ केली आहे. सरकारी टेलिकॉम आणि खासगी टेलिकॉमच्या प्रीपेड प्लान्सच्या किंमतीत एक खास अंतर निर्माण झाले आहे.

बीएसएनएलचा २८ दिवसाचा प्लान

जिओ, एअरटेल आणि वोडाफोन आयडियाची सुट्टी करणारा बीएसएनएलचा १८७ रुपयाचा प्लान आहे. या प्लानमध्ये २८ दिवसाची वैधता मिळते. या प्लानमध्ये यूजर्संना डेली २ जीबी डेटा दिला जातो. FUP लिमिट संपल्यानंतर डेटा स्पीड कमी होऊन 80 Kbps होते. यासोबतच यूजर्संना डेली १०० एसएमएस आणि अनलिमिटेड व्हाइस कॉलिंगची सुविधा दिली जाते.

जिओच्या २०९ रुपयाच्या प्लानमध्ये २८ दिवसाची वैधता मिळते. हा जिओचा सर्वात स्वस्त डेटा प्लान आहे. यात यूजर्संना अनलिमिटेड व्हाइस कॉलिंग आणि डेली १०० एसएमएस सोबत १ जीबी डेली डेटा दिला जातो. पॅक मध्ये जिओ अॅप्सचे सब्सक्रिप्शन सुद्धा मिळते.

एअरटेल आणि वोडाफोन आयडियाचा २८ दिवसाची वैधता सोबत २६५ रुपये आणि २६९ रुपयाचे प्लान सर्वात स्वस्त डेटा प्लान आहेत. हे दोन्ही प्लान रोज १ जीबी डेटा देतात. या कंपन्या १.५ जीबी डेली डेटाचे प्लान पण देतात परंतु, यासाठी जास्त किंमत मोजावी लागते. एअरेटल आणि वोडाफोन आयडियाच्या प्लानमध्ये अनलिमिटेड व्हाइस कॉलिंग आणि डेली १०० एसएमएस दिले जाते. या प्लानच्या तुलनेत बीएसएनएलचा प्लान फक्त स्वस्तच नाही तर जास्त डेटा देणारा सुद्धा आहे. बीएसएनएलकडे संपूर्ण भारतात ४ जी नेटवर्क नाही आहे. त्यामुळे अनेकांना ३जी आणि काहींना २ जी स्पीडवर डेटाचा वापर करावा लागतो. बीएसएनएल यूजर्संना ४ जी स्पीड मिळत नाही, हीच त्यांची कमतरता आहे.