बॉलिवूड अभिनेता सलमान खान याला साप चावल्याची घटना घडली आहे. सलमानच्या पनवेलवरील फार्महाऊसवर ही घटना घडली आहे. वाढदिवसाच्या सेलिब्रेशनसाठी तो पनवेलच्या फार्महाऊसवर गेला असताना ही घटना घडल्याचे समोर आले आहे. सध्या सलमान हा त्याच्या फार्महाऊसवर विश्रांती घेत असल्याचे माहिती समोर आली आहे.
मिळालेल्या माहितीनुसार, सलमान खानचा उद्या वाढदिवस आहे. या वाढदिवसाच्या सेलिब्रेशनसाठी तो पनवेलच्या फार्महाऊसवर गेला होता. याच फार्महाऊसवर सलमानला सर्पदंश झाला आहे. काल रात्री २ ते ३ च्यावेळी ही घटना घडल्याचे बोललं जात आहे. त्यानंतर त्याच्यावर कामोठेजवळील एमजीएम रुग्णालयात उपचार सुरु होते. या उपचारानंतर सलमान हा घरी परतला आहे. हा साप विषारी नसल्याने मोठी दुर्घटना टळली आहे. सलमानला डिस्चार्ज मिळाल्यानंतर तो पुन्हा त्या फार्महाऊसवर परतला आहे.
यानंतर रात्री ३ वाजता त्याला रुग्णालयात दाखल करण्यात आले होते. मात्र हा साप बिनविषारी असल्याचे सलमानच्या जीवावर बेतलेले नाही. तो सध्या त्याच्या फॉर्महाऊसवर विश्रांती घेत असल्याचे बोललं जात आहे. मात्र अद्याप याबाबत कोणतीही माहिती समोर आलेली नाही.
