बीडः राज्यातील अति. पोलीस अधिक्षक आणि पोलीस उपाधिक्षक संवर्गातील अधिकाऱ्यांच्या अखेर व्यापक प्रमाणावर बदल्या करण्यात आल्या आहेत.'प्रजापत्र' ने आठ दिवसापूर्वी दिलेल्या माहितीप्रमाणेच बीड जिल्हा पोलीस दलातही मोठे फेरबदल असून बीडचे पोलीस अधिक्षक विजय कबाडे यांच्यासह तीन पोलीस उपाधिक्षकांच्या बदल्या झाल्या आहेत.
बीडचे अति. पोलीस अधिक्षक म्हणून नाशीकहुन सुनील लांजेवार येत आहेत. विजय कबाडे यांची बदली भोकर येथे अति. पोलिस अधिक्षक म्हणून झाली आहे.
तर अंबाजोगाइचे पोलीस उपाधिक्षक राहुल धस यांच्या जागी भोकरदनहुन सुनील जायभाये येत आहेत. धस यांची बदली दौंड येथे झाली आहे. माजलगावच्या श्रीकांत डिसले यांना नागपुरला पोलीस प्रशिक्षन केंद्रात पाठविण्यात आले असून त्यांच्या जागी कळंबहुन सुरेश पाटील येत आहेत. बीडचे पोलीस उपअधिक्षक म्हणून मुंबईहुन संतोष वाळके येत आहेत. येथील पोलीस उपाधिक्षक भास्कर सावंत यांना अद्याप नियुक्ती देण्यात आलेली नाही. तर बीडचे पोलीस अधिक्षक राहिलेल्या हर्ष पोद्दार यांना अमरावती येथे राज्य राखीव पोलीस दलाचे कमांडंट म्हणून नियुक्ती देण्यात आली आहे. या सर्व बदल्यांचे सुतोवाच ' प्रजापत्र' ने २२ सप्टेंबर रोजीच केले होते.
वाचा - कोरोनाची नवीन लक्षणे कोणती?)
