गेवराई दि.०५ (वार्ताहर)- तालुक्यातील तलवाडा पोलीस स्टेशनच्या हद्दीतील सेलू मारफळा येथील अशोक सखाराम माने, (वय ३२) आहे. आज पहाटे अज्ञात वाहनाने उडविले त्यांचा जागीच मृत्यू झाला या घटनेची माहिती मिळताच तलवाडा पोलीस ठाण्याचे सहाय्यक पोलीस निरीक्षक प्रताप नवघरे,उपनिरीक्षक सुभाष माने, बीट अंमलदार उद्धव राऊत, भरत गायकवाड यांनी घटनास्थळी भेट दिली.
पोलिसांना त्या व्यक्तीची ओळख पटत नसल्यामुळे त्यांनी तलवाडा पोलीस स्टेशन हद्दीतील सर्व गावांना व्हाट्सअपच्या माध्यमातून ओळख पटवण्याचे आवाहन केले होते. काही तासातच ही व्यक्तीची सेलु मारफळा येथील आहे. अशी माहिती मिळतात त्यांच्या नातेवाईकांना बोलावून घेतले नातेवाईकांनी सांगितले की अशोक सखाराम माने ही व्यक्ती सेलू मारफळा येथील आहे. शवविच्छेदनासाठी जातेगाव प्राथमिक आरोग्य केंद्र येथे पाठविण्यात आले आहे अशी माहिती तलवाडा पोलिसांनी दिली. पुढील प्रक्रिया उशिरापर्यंत सुरू होती.
