कोकण- राज्यात अतिवृष्टीने काल (गुरुवारी) हाहाकार माजवला. रायगड, चिपळूण, महाड आदी ठिकाणी पूर परिस्थिती निर्माण झाल्याने शेकडो नागरिक पुरात अडकलेले आहेत.तर लादपूर सुतारवाडी परिसरात दरड कोसळून चार जणांचा मृत्यु झाला आहे.गेल्या तीन दिवसांपासून दरड कोसळून अनेक जण मृत्युमुखी पडत आहेत. कोकणात जलप्रलयामुळे विचित्र परिस्थिती निर्माण झाली असून बचावकार्य वेगात सुरु आहे.

 
मिरजोळी येथून ५६ नागरिकांची पुरातून सुटका

---------------------------------------

चिपळूणजवळ मिरजोळी येथून ५६ नागरिकांची पुरातून सुटका करण्यात एनडीआरएफच्या जवानांना यश आलं आहे. कालपासून कोसळत असलेल्या मुसळधार पावसाने चिपळूण शहराला दणका दिला व प्रचंड वित्तहानी केली आता मुंबई गोवा महामार्गावरील वशिष्टी नदीवरील महत्त्वाचे  असलेल्या ब्रिटिशकालीन पुलांचा काही भाग वाहून गेला आहे.