दिल्ली - क्रिकेटचा देव म्हणून ओळखल्या जाणाऱ्या (Sachi Tendulkar) सचिन तेंडुलकरला बीसीसीआयकडून सन्मानित केले जाणार आहे. मंडळातर्फे मास्टर-ब्लास्टरला सीके नायडू जीवनगौरव पुरस्काराने गौरविण्यात येणार आहे. हा पुरस्कार मिळवणारा सचिन हा ३१ वा क्रिकेटपटू ठरणार आहे. शनिवारी मुंबईत होणाऱ्या मंडळाच्या वार्षिक समारंभात सचिनला हा प्रतिष्ठेचा पुरस्कार प्रदान करण्यात येईल.