पंढरपूर : पंढरपूर शहरात (Pandharpur Crime) आज सकाळी एकावर धारदार कोयत्याने वार केल्याची धक्कादायक घटना घडली आहे. यामध्ये नाना निमकर हा तरुण गंभीर जखमी झाला आहे. त्याला येथील रुग्णालयात उपचारासाठी दाखल करण्यात आले आहेप्रेम प्रकरणाला विरोध केला म्हणून प्रियकरानं चुलत्यावर कोयत्यानं प्राणघातक हल्ला केल्ल्याचे समजते. भर रस्त्यावर हा जीवघेणा हल्ला झाल्याने नागरिकांमध्ये भीतीचे वातावरण निर्माण झाले आहे.

जखमी नाना निमकर आज सकाळी येथील छत्रपती शिवाजी महाराज चौकातून (Chhatrapati Shivaji Maharaj Chowk) मोटारसायकल वरून जात असताना संशयित आरोपी अमित वाठारकर याने धारदार कोयत्याने वार केले.

जवळच असलेल्या एका पोलीस कर्मचाऱ्याने घटनास्थळी धाव घेतल्याने जखमीचा जीव वाचला. ही घटना घडताच पोलीस अधिकारी घटनास्थळी दाखल झाले आहेत.संशयित आरोपीला ताब्यात घेतल्याची माहिती पोलिसांनी दिली आहे. पूर्ववैमनश्यातून हल्ला केला असल्याची प्राथमिक माहिती समोर आली आहे. या घटनेचा अधिक तपास पोलिस करत आहेत.