बीड दि.२० (प्रतिनिधी)- शहरापासून जवळच असलेल्या बीड पिंपळनेर रस्त्यावरील असलेल्या तांड्या जवळील शेतामध्ये एका तरुणाचा रविवार (दि.२०) सकाळी मृतदेह आढळल्याने एकच खळबळ उडाली.

सविस्तर माहिती अशी की, शेख बबलू शेख चांद रा.गांधीनगर बीड (वय ३२ वर्षे) असे घातपात झालेल्या तरुणाचे नाव असून, तांड्याजवळ शेतामध्ये मृतदेह आढळल्याने स्थानिकांनी पिंपळनेर पोलीस ठाण्याला याची माहिती दिली. पिंपळनेर पोलीस घटनास्थळी दाखल झाले असून मृतदेह शवविच्छेदनासाठी बीड येथील शासकीय रुग्णालयात नेण्यात आला.या तरुणाचा घातपात झाल्याचा संशय व्यक्त होत असून घात की अपघात आहे पुढील तपास पिंपळनेर पोलीस करत आहेत.