शिरूर दि.४ (प्रतिनिधी)- तालुक्यातील गोमळवाडा येथे घरफोडीची घटना  (दि.०३) रोजी रात्रीच्या सुमारास घडली असून चोरट्यांनी घरातील नगदी रकमेसह सोन्या-चांदीचे दागिने चोरून नेले आहे. या प्रकरणी शिरूर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.

अधिक माहिती अशी की, गोमळवाडा येथील रहिवासी हरीदास अर्जुन बारगजे (वय ४५) यांच्या घराचे कुलूप तोडून अज्ञात चोरट्यांनी आतमध्ये घुसून सोन्याचे दागिने व नगदी १०००० रुपये रक्कम असा एकूण ८० हजार रुपयांचा ऐवज चोरून नेला. आपल्या घरात चोरी झाल्याचे बारगजे यांच्या निदर्शनास आल्यानंतर त्यांनी या प्रकरणी शिरूर पोलीस ठाण्यात तक्रार दाखल केली. त्यानुसार अज्ञात चोरट्याविरोधात गुन्हा दाखल करण्यात आला आहे.