मुंबई : राज्यात विधान परिषदेची निवडणुकीच्या मतदानाला सुरुवात झाली आहे. विधान परिषदेच्या ११ जागांसाठी तब्बल १२ उमेदवार रिंगणात उतरले आहेत. विधान परिषदेच्या निवडणुकीसाठी गुप्त पद्धतीने मतदान होत आहे. या निवडणुकीत महायुती आणि महाविकास आघाडी अशा दोन्ही बाजूने आमचे सर्वच्या सर्व उमेदवार विजयी होतील, असा दावा केला जात आहे. त्यामुळे आता नेमका कोणाचा उमेदवार पराभूत होणार, याकडे सर्वांचेच लक्ष लागले आहे. या निवडणुकीचा आजच निकाल लागणार आहे.