लोकसभा निवडणुकीची रणधुमाळीदरम्यान जाहीर झालेल्या विधान परिषद निवडणुकांची आता नवी तारीख जाहीर करण्यात आली आहे. महाराष्ट्र विधानपरिषदेच्या मुंबई आणि कोकण पदवीधर, तसेच मुंबई आणि नाशिक शिक्षक या चार मतदारसंघांसाठी २६ जूनला मतदान प्रक्रिया पार पडणार आहे, तर १ जुलै रोजी मतमोजणी केली जाणार आहे. शिक्षक निवडणूक ड्युटीवर असल्याचे कारण देत विधान परिषद निवडणूक पुढे ढकलण्यात आली होती.

पदवीधर आणि शिक्षक मतदारसंघाच्या निवडणुकीचा कार्यक्रम
३१ मे ७ जून पर्यंत अर्ज भरले जाणार

१० जून रोजी अर्जाची छाननी केली जाणार

१२ जूनपर्यंत अर्ज माघारी घेता येणार

२६ जून रोजी मतदान प्रक्रिया होणार

१  जुलै रोजी होणार मतमोजणी होणार

दोन शिक्षक तर दोन पदवीधर मतदार संघासाठी ही निवडणूक होणार आहे. मुंबई आणि कोकण पदवीधर मतदार संघ, तर नाशिक आणि मुंबई शिक्षक मतदार संघात ही निवडणूक प्रक्रिया पार पडणार आहे. या निवडणुकांसाठी आधी १० जून ही तारीख जाहीर करण्यात आली होती. मात्र, आता विधानपरिषद निवडणुकांची तारीख बदलण्यात आली आहे. नव्या वेळापत्रकानुसार पदवीधर व शिक्षक मतदारसंघाच्या निवडणुकांसाठी 26 जून रोजी मतदान प्रक्रिया पार पडणार आहे.

उन्हाळ्याच्या सुट्या असल्याने १० जूनला राज्यातील शाळांना आणि शिक्षकांना सुट्या असल्याने मतदानावर त्याचा परिणाम होऊ शकतो, असा शिक्षक संघटनांचा दावा आहे. त्यामुळे ही निवडणूक प्रक्रिया पुढे ढकलण्याची मागणी शिक्षक संघटनांकडून होत होती. निवडणूक आयोगाने शिक्षक संघटनांची मागणी मान्य केली आहे.विधान परिषदेच्या दोन शिक्षक आणि दोन पदवीधर मतदारसंघाच्या निवडणुका अनिश्चित काळासाठी पुढे ढकलण्यात आल्या होत्या, मात्र, आता निवडणूक आयोगाने विधानपरिषदेच्या निवडणुकीचा कार्यक्रम जाहीर केला आहे.