नेकनूर- येथुन जवळच असलेल्या ससेवाडी नजीक आज सायंकाळी कंटेनर आणि पिकअपची समोरा समोर धडक होवून झालेल्या भीषण अपघातात पाच जणांचा जागीच मृत्यु झाल्याची माहिती समोर येत आहे. या घटनेमुळे बीड जिल्ह्यात खळबळ उडाली असून नेकनूर पोलीस घटनास्थळी दाखल झाल्याची माहिती आहे.

ससेवाडी गावाजवळ कंटेनर आणि पिकअपची समोरा समोर धडक झाली. या भीषण अपघातात दोन्ही गाड्यांचा चक्काचुर झाला होता. यामध्ये पाच जणांचा जागीच मृत्यु झाला असून घटनास्थळी नागरीकांनी मोठी गर्दी केली आहे. सध्या गाड्यामधून मृतदेह बाहेर काढण्याचे काम सुरू आहे. नेकनूर पोलीस घटनास्थळी दाखल झाल्याची माहिती समोर येते. प्रल्हाद सीताराम घरत (रा.महाजनवाडी) यांचा या अपघातात मृत्यु झाला असून आणखी चार नावे अद्याप समोर आलेली नाहीत.