बीड - माजलगाव तालुक्यातील मंगरूळ १ गावांमध्ये तुळजाभवानी मातेची यात्रा सुरू आहे. या यात्रेदरम्यान कुस्तीचा आखाडा सुरु असून या आखाड्यात कुस्ती लावण्यावरून दोन गटात हाणामारी झाली. 

बीड जिल्ह्यातील मंगरूळ १ गावामध्ये यात्रा भरली आहे. या यात्रेदरम्यान कुस्ती आखाड्याचे देखील आयोजन करण्यात आले आहे. या आखाड्यात कुस्ती लावण्यावरून दोन गटात तुफान हाणामारी झाली. या हाणामारीचा व्हिडिओ अनेकांनी आपल्या मोबाईल कॅमेऱ्यात कैद केला आहे. ही घटना २७ डिसेंबरला सायंकाळी घडली असून हाणामारीमध्ये दोन ते तीन जण जखमी झाल्याची प्राथमिक माहिती देखील समोर आली आहे. या प्रकरणी माजलगाव ग्रामीण पोलीस ठाण्यात गुन्हा  नोंद करण्यात आली आहे.