आगामी लोकसभा निवडणुकीची रणधुमाळी सुरू झाली आहे. सर्वच पक्ष लोकसभा निवडणुकीच्या तयारीला लागले आहेत. देशातील सर्वात मोठा पक्ष भाजपने देखील निवडणुकीची जोरदार तयारी केली आहे. अशात अभिनेते नाना पाटेकर यांनी भाजपबाबत मोठं वक्तव्य केलं आहे.लोकसभा निवडणुकीवर नाना पाटेकरांनी भाष्य करत महत्त्वाचं वक्तव्य केलं आहे. देशाकडे भाजपशिवाय दुसरा पर्याय नाही, असं नाना पाटेकर म्हणालेत. ते एका मुलाखतीमध्ये बोलत होते. तसेच यावेळी नरेंद्र मोदी देशाचे पुन्हा पंतप्रधान होणार असल्याचं ते म्हणाले आहेत.
काय म्हणाले...
लोकसभा निवडणुकीत भाजपला साडे तीनशे ते पावणे चारशे जागा मिळतील, असं भाकित वर्तवलं आहे. देशभरात मोदी सरकार शानदार काम करत आहे. त्यामुळे लोकसभा निवडणुकीत त्यांना यश नक्कीच मिळेल. भाजपला बहुमत मिळणार आणि नरेंद्र मोदी पुन्हा एकदा देशाचे पंतप्रधान होणार, असं नाना पाटेकर म्हणालेत.
काही दिवसांपूर्वी झालेल्या पाच राज्यांच्या निवडणूकीत भाजपाला यश मिळालं आहे. तर दुसरीकडे विरोधकांनी इंडिया आघाडीची स्थापना केली आहे. यामुळे नानांचं भाकित आता खरं ठरणार का याकडे सर्वांचं लक्ष लागलं आहे.
