चारित्र्यांच्या संशयावरुन सख्ख्या भावाने बहिणीची हत्या केल्याची घटना उघडकीस आली आहे. भंडारा जिल्ह्यातील मोहाडी तालुक्यातील सोनूली येथे ही घटना घडली आहे. या प्रकरणी पोलिसांना आरोपी भावाविरुद्ध गुन्हा दाखल करत अटक केली आहे. 

आशिष गोपीचंद बावनकुळे ( वय २० वर्ष) असं आरोपी भावाचं नाव आहे. तर अश्विनी बावनकुळे (वय २०वर्ष) असं मृतक बहिणीचे नाव आहे. मिळालेल्या माहितीनुसार, आशिष त्याची बहीण अश्विनी हिच्यावर चारित्र्यावरुन संशय घेत होता. 

याच मुद्दयावर दोघांमध्ये भांडण झालं. भांडणांचा रुपांतर वादात झालं. अश्विनीदेखील आशिषला प्रत्युत्तर देत होती. यानंतर संतापलेल्या आशिषने अश्विनीने बेदम मारहाण केली. या मारहाणीतच अश्विनीचा मृत्यू झाला.घटनेची पोलिसांनी दखल घेत गुन्ह्याची नोंद करुन घेतली आहे. आरोपी आशिष बावनकुळेला अटक केली असून पुढील तपास सुरु आहे.