बीड दि.१३(प्रतिनिधी)-जिल्हा पोलीस दलात कार्यरत असलेल्या नऊ जणांना अखेर सेवाजेष्ठतेनुसार पदोन्नती मिळण्याचा मार्ग मोकळा झाला आहे. स्थानिक गुन्हे शाखेतील भागवत लक्ष्मण शेलार, गेवराई महामार्ग पोलीस संघर्ष रमेश गोरे,त्यांच्या बहीण असलेल्या रेखा रमेश गोरेसह अन्य सहा जणांना बुधवारी (दि.१३) प्रमोशन मिळाले. पोलीस अधिक्षक नंदकुमार ठाकूर यांनी या सर्वांचे अभिनंदन करून शुभेच्छा दिल्या.
जिल्हा पोलीस दलात कार्यरत असणाऱ्या नऊ अंमलदारांना शासन निर्णयातील तरतुदीनुसार पदोन्नतीमध्ये आरक्षणाचा लाभ सेवाजेष्ठतेनुसार मिळण्याचा मार्ग मोकळा झाला. पदोन्नती मिळालेल्या कर्मचाऱ्यांमध्ये भगवान भुजंगा लोहबंदे (परळी शहर), बालाजी रामचंद्र मुळे (माजलगाव शहर), अनिल साहेबराव डोंगरे (सायबर), शेषेराव बबनराव चेमटे (परळी ग्रामीण), भागवत लक्ष्मण शेलार (स्थानिक गुन्हे शाखा), सचिन सुग्रीव गर्जे (अंमळनेर), सुदर्शन रानू निकाळजे (एसीबी, बीड), रेखा रमेश गोरे (महिला तक्रार निवारण केंद्र), संघर्ष रमेश गोरे (महामार्ग गेवराई) यांचा समावेश आहे. प्रमोशन झालेल्या सर्वांचे पोलीस अधिक्षक नंदकुमार ठाकूर यांनी अभिनंदन करून शुभेच्छा दिल्या आहेत.
